9 年

剛過去了的星期四是公假, 約好了 Judy, toilet friend, 屎屎, Carman, Freeman, May 一齊去食私房西式菜. 順便比個 suprise party 阿壽星女. 結果我地成功 suprise.

之後屎屎同 toilet friend 不停轟炸我, 話我成日無 update 個 blog. 屎屎當你睇到這篇文章的時候, 就表示我始終都係早過你 update. 因為我剛剛去了你個 blog 到, 見你仲係停留於四月十七.

結果大家約好了五月中去踩單車, 釣魚加 BBQ.

剛過去了的星期五是 Emmie 的 last day. 我地送了一張卡比佢作留念. 人生苦短無常, 想行邊條路就去吧. 我地成班人都會支持你.

星期六慶祝母親節的關係, 未能見證 Man U 怒炒 West Ham 一幕, 實在可惜. 希望下星期可以睇到最後一輪賽事, 見證 Man U 登上頂峰的一刻!

另外仲有歐冠杯決賽, 對上一次奪標已經是 1999 年了. 當時 Man U 於最後 103 秒攻入兩球反勝 2-1 的一幕看得我毛管直豎, 相當感人.

9 年後的今日, 年華老去的傑斯仍然是我的偶像.於球員生命終結前, 希望你能夠重溫 9 年前的夢.

我是仍然願意等的. 縱使已經等了 9 年.