他一直在堅持，他一直在玩命

星期六上午做家務, 之後約了姑姐同五叔去深水埗入貨.

下午先到中環 book 了 package, 落實 5 日泰國之旅. 然後坐船入 Lamma Island 同 Mon 姐慶祝生日. 大熱天時 BBQ 都幾難頂. 成身汗.

星期日先去 TST 買拖鞋. 皆因星期日飛美國十幾小時長途機唔想穿鞋. 本來想買買 Brickenstock, 不過無我 size, 最後去 Lane Crawford 買了一對人字拖.

之後到 Carman 家開 party, 順便睇奧運. 我地圍住個電視睇左好多項目, 包括女排, 跳水, 羽毛球, 體操等等, 節目相當豐富. 原來成班人一齊睇個氣氛會好 D. 最好睇一幕, 係林丹奪金, 與及霍震霆頒獎比未來新抱.

今日劉翔因傷退出, 十分淒美, 身邊的人無不覺得可惜. 但係佢已經嘗試用運動員的生涯作賭博. 雖然最後仍然要退出, 但值得尊重.

可以想像到, 佢內心的掙扎是何等痛苦.....