追風

打風的日子是很累的, 因為往往要六點起身追風. 今早也不例外, 上網時又見到天文小王子, 於是又跟他談了兩句. 我地一齊研究氣象衛星圖片, 知道其實當時未有需要掛八號, 不過天文台為了不想明天被炮轟, 所以始終也要掛的.

今日的行程頗為豐富.

吃完早餐五叔提議去電腦展, 得知八號風球免費入場, 於是我地駕車過去. 只用了十分鐘就到會展, 仲要可以隨街泊車. 維港風力好大, 海面很多白頭浪.

會場比想像中多人, 行了一個小時左右知道掛九號, 會展要大家半小時之內離開, 但係大家都無理會, 生意照做, 大家照買. 我地買了幾千元, 因為真係幾平. 包括 Macbook 的袋, i Pod Touch 的套, Toshiba 的 4G SD card, 又一個高清機頂盒, 及一支 4G Memory Stick. 仲要見到 "九號風球減 $500 的奇景". 後來番屋企睇新聞先知原來好多人去到會展無得入場.

晚上又出街去 TST 鹿鳴春同偉仔 farewell, 因為佢又要番 LA 了. 街上風力好大, 一地都係樹, 連路牌都吹斷! 食完飯後細佬發現佢部老爺車 Audi 的右邊指揮燈竟然比人於九號風球下整組偷了. 大家都十分驚訝, 為他感到又難過又倒霉!

明天為星期日的 LV trip 作最後準備.