Ｙour work speaks for itself

文：凌莎媺

大家還記得早幾期的時侯，我寫過兩篇關於與工作related的難食飯局嗎？我細路女真係唔識世界，以為那經已是難上加難的職場飯局，但有一天當我全日無事做 ( 又經已跑了去老連睇Kate Moss Loves Topshop的最新系列 ) 的時候，我想深一層，發現原來一山還有一山高地there's always a bigger bitch，那些迫住要跟你唔認同的同事一起食的lunch或晚飯，其實重難啃。你會問，在甚麼時候你會迫住要跟你唔認同的同事一起同？食飯呢？答案就是當你的大老闆親自開口叫你一齊去的時候，你便無得say no，迫住跟那些你唔agree with的人共度一晚 ( 查實出來辦事，就係迫住跟那些你唔agree with的人走在一起 )。

那晚的farewell dinner，就是個難啃飯局的好例子。首先，我跟那位另謀高就的阿‘ger’級同事毫無問題，反而是那些做細的所作所為叫我作嘔，你看見他們每一句的說話及每一個的動作，例如叫甚麼菜、夾菜給甚麼人及邊個邊個要坐在邊個邊個的側邊等，統統也是直接或間接地舐鞋底的。迫住要見證著此等行為，同看 National Geographic那些猴子食猴子那樣地原始同唔civilized的節目一樣地慘不忍睹兼慘無人道。

我成日話‘your work speaks for itself’，係得？就得，唔得？你點都係處於那個唔得的死角位，細的奉承著無咁細的那位，無咁細的那位當然就係奉承著高他一級的那位。在職場求存，真是得呢一招嗎？更深的是，他們的話題，不是講邊個邊個最靚，就是講邊個邊個買了邊個邊個新手袋或新「金勞」。在fashion industry工作的人，就一定要如此one dimensional嗎？我又試問自己，再在呢？環境處天天如是，是我的true calling嗎？我會開心嗎？