車長唔易做

今個星期坐巴士番工遇到兩件奇怪的事.

其一: 收工大晒向車長要求打折

早上, 有個阿姑上車入錢後, 用有口音的廣東話, 邊笑邊同女車長講: "我剛剛收工呀, 無 44 號呀. 收少 d 啦!我剛剛收工呀!!"

女車長呆了一會, 大聲怒罵: "又係你! 我認得你呀! 次次都入唔足錢. 呢度個個唔係番工就收工架啦. 邊個同你笑呀!你下次搭番 44 號呀!"

如是者, 阿姑成功以優惠價錢上車.入左錢先話比人知唔夠錢, 認真無賴.

那一刻, 我想同阿姑講:"如果我剛剛收工, 想食吞拿魚包, 點知只係夠錢買豬仔包, 咁我係咪可以同店員講, 拿, 我剛剛收工, 而家要食吞拿魚包, 你收順 d 啦. 我剛剛收工咋!" 如是者, 錢都未付就一口咬落個吞拿魚包度. 無賴左先算.

其二: 深水埗街市魅力沒法擋 ~~ 高齡婆婆奮不顧身跨區買餸

早上, 有個阿婆上車後問車長:"經唔經深水埗街市?" 車長話經, 婆婆就上車. 殊不知一開車, 婆婆就喋喋不休, 說:"哎呀, 原來你行呢邊呀, 哎呀, 我以為你行另一邊. 死啦, 哎呀, 真麻煩, 又要行好遠啦. 我唔識路喎......."

婆婆的高八度聲音攻勢下, 車長垂死掙扎:"唔係呀, 呢條路都去到個街市0架, 過兩個站就到了. 到時我叫你落啦!"

婆婆又再重覆剛才的一段說話. 但無論車長如何解釋, 婆婆都依然咬住車長唔放.不停質問車長何時落車及是否行錯路. 此時, 車長才驚覺原來婆婆是撞聾的!

婆婆又說:"我住香港仔架, 第一次過來深水埗買餸架, 都係貪佢呢度又齊又平囉. 哎呀, 我唔識路架, 係咪行去右手邊呀?"

車長聞言大驚:"下次好心你叫 d 後生買啦. 咁遠過來買, 你車錢都唔平喎!"

擾攘一大輪, 終於到站. 車長鬆一口氣!此時我驚覺原來車長有幾分似愛迪生, 年約五十幾.一頭微曲白髮長長地, 都幾潮.

那一刻, 我亦想問個婆婆, 到底知唔知由香港仔到深水埗的來回四程車其實也要幾十蚊. 是否划算見仁見智. 但深水埗街市是否真係咁有魅力? Spend 大半日時間去買餸對於我來講絕對係匪夷所思又奢侈.

原來做車長, 真是一點都唔容易.

------------------------------------------------------------------------------------
We are not alone?

NASA 今天宣怖火星極有可能有微生身存在, 我覺得可信度有 99%. 我一向都認為地球絕不可能是唯一一個有生命的星體. 如果 NASA 所說的屬實, 肯定是本世紀最重要的發現之一. 不過另一個問題必須要注意的, 是人類到底是否已經 ready 好迎接外星生物. 在這個病毒肆虐的年代, 有誰可以肯定外星生物不會帶來一些更加可怕的病毒呢? 我們從來都是弱不禁風的.