陳太生日快樂

陳太生日節正式告一段落.

星期四同一班同事朋友去了鹿嗚春食晚飯. 在座有三個壽星. 陳太, 培錫, 寶塋. 我地落單差不多九個字之後先開始上菜, 都幾過份. 不過 weekday 都爆就真係無辦法. 亦有可能係因為個 waiter 大叔見我地未齊人, 於是死都唔肯上菜. 我地問佢有咩推介, 佢就係咁重覆: "都係用咩同咩炒埋一碟架啦!" 真係 O 晒咀!

每人一百多埋單, 菜式都 ok 特別. 算唔錯.

星期六正日我 long week, 放工後到 TST 會合, 再食個 late lunch. 然後一齊去買 birthday present. 終於, 我買左個袋比佢"粗用" (學讀者 C 用語).

Then 入場睇 "潮拜購物狂". 生日都是睇笑片比較好了. 散場就過去 Outback, 吃了一頓豐富的.

星期日約了幾個朋友, 先食個 late lunch, 再上來屋企打四圈. 一如所料, 遲到大王沒有令我們眾人失望, 繼續捨我其誰遲到兩句鐘.

晚上到佐敦新斗記, 一班中學好友為陳太賀壽. 估唔到呢間0野咁旺場, 沒有訂座的一律被拒門外. 幸好我一個月前已經電話留座.

他們的菜式跟街外的煮法有些少不同, 值得一試. 尤其是那隻即燒小乳豬更是令我印象深刻. 皮很脆.

席間頭頭大爆方同學的求婚來龍去脈. 原來, 頭頭教他在巴黎的凱旋門上求婚. 那當然是不會失敗的了! 於是, 我便教頭頭將來要去南極求婚, 到時有企鵝及北極熊作背景, 保證盧小姐一世難忘.

如是者, 慶祝活動在嘻嘻哈哈中又結束了.