00:00

作為 Apple 的 die hard fans, 尋晚當然要捕係電腦前面。點解？皆因凌晨 00:00 Apple 會 update 個網頁，開始發售千呼萬喚始出來的 3Gs。

到十二點都未有動靜，都驚原來係一場歡喜一場空。好彩再過十五分鐘左右，網頁中的資料陸續更新。一路等，就係個價錢未 update。終於等到一點左右先出價錢。

由於價錢合理，無辦法唔 order。於是訂了一部 16G 白色。下星期一送上公司。今日下午 Vicky 都落左 order，竟然要等到 7/20 先送貨，証明好多人凌晨已經即刻訂左，首批售罄。按此推斷，香港經濟都唔係好差。

痴痴地等的還有一大班人，上 Discuss HK 個 forum 睇下就知。佢地仲一齊倒數到 00:00，都幾無聊，不過又幾有趣！

不過今時今日仍然能夠令到大家係深夜唔 sleep 痴痴地等的手機，就只有佢一部。

甚麼 N97、Diamond，通通要靠邊站。