講金？講心。

由於係旺季， 不得不上大陸走多幾轉。繼上星期去完安徽，聽日便要去廣州兩天，下星期又要去杭州、嘉興一帶。

對比起上年來說，由於種種人事上的原因，今年工作上的擔子一時間重了很多。日日做足十幾個鐘，lunch 食十分鐘又繼續做做做，有時真係。。。有苦自己知。

係呢間公司四年，呢個 moment 一定係最辛苦。頂唔頂得順都好，盡左力就算。

師父教落，對外人永遠都係講金，千其唔好講心。係呢幾年，我証明左呢個概念係正確0既。當然，朋友親友就可以講心啦。

唔，而家好煩惱，去唔去 World Expo 好呢？

數下手指，朗朗已經九個月大，為左佢，我地有好多 plans。而家首先要諗下生日點搞，遲些又要搞入學事宜，認真費神。

今日同陳太傾傾下，大家都發覺依家無咩買貴野，儲蓄已經成為我地的嗜好。。。。其實一向都有0既，不過而家為左朗朗就更儲得多。

當然，久唔久買下 iPhone or iPad 都係應份0既，做得咁辛苦，要我完全唔買係無可能0既事情。

但說到底，人大左，無個錢旁身都係唔得0既。

據統計指出，要成為百萬富翁的主要法則係：儲蓄 + 投資 (買股票乃投機，不是投資。無時間做功課的話，最好還是不要碰 － 再者，我是那種不會全天候盯住個市的人，太緊繃了）

計劃人生，還是越早越好的。