爭氣

呢個政府真係越來越不知所謂. 口口聲聲話下年增加土地供應以壓抑樓市. 究竟佢地班人幾時先明白, 咁做係無助於市民買樓.土地賣出去之後,地產商咪又走去起豪宅/偽豪宅!根本就唔會起上車盤啦.

早幾日雖然出左新招, 不過都只係針對高價樓.反而仲令到小市民更難上車.

其實我覺得政府真係要考慮狠心一點,果斷一點,唔好再比國內同胞來港置業.佢地買完根本就係擺,唔係住.咁樣個市先會冷卻下來.所謂 positive non-interventionism,其實並唔能夠一本通書睇到老,世界變左啦.有需要時政府有義務去解困吧.

公屋又要排幾年,居屋又唔起.好似我地呢 d 負擔唔起私人樓,又唔合資格買居屋貨尾, 又有需要換樓的家庭,感覺就似被遺棄,進退兩難.

特首成日叫人生多幾個,okay, 生出來唔通成家人一齊訓街?

不過咁,80 後自己都要爭氣.唔好一邊鬧政府無做野,搞到買唔到樓,而另一邊就狂買名牌去旅行囉.

因為,世界唔會因為你而停下來.