「愛你變成害你」

運輸及房屋局局長鄭汝樺昨在電台節目稱，任何政策都要避免令人上錯車，以免「愛你變成害你」。

鄭汝華強調，政府推出計劃，不是用來遏抑急升樓價，「不是鼓吹買樓先有幸福」，但中文大學國際貿易及中國企業課程一年級學生王俊堯坦言，他的女友與局長意見相反，「我女朋友跟我說，若我買不到樓便不會嫁我」，又說女友不肯住公屋，他請鄭汝華增加置安心計劃的數量供應及資助。最後，王俊堯更問，當局是否因「李氏力場」影響，不敢遏抑樓市炒風。

鄭汝樺鼓勵王俊堯與女友「傾吓」，討論是否一定要先買樓才結婚？建議他或可與女友先一起儲錢，但若女友堅持，他或可考慮購買二手居屋或新界區的私人樓，「二手居屋百幾萬就可以上車」。鄭汝樺提醒同學，不應視「婚前置業」為唯一選擇，因為這樣的價值觀，會令彼此「少了選擇、多了摩擦」，又叮囑他「未儲蓄便買樓要小心一些」。據地產代理稱，200萬以下上車盤，主要集中在新界.

作為一個 80 後爸爸 / 核心家庭成員 / 準備上車的小市民, 對於以上的 case, 我想中肯地講:

1. 鄭汝樺說要避免人上錯車,我是很認同.供樓唔係買菜.如果政府肯借錢比人買樓,咁只會火上加油.你估樓市會點?係咁升囉. Demand 多左嘛

2. "置安心" project 出發點係好 但對於很多人來說, 根本不設實際.幾年後得個幾千個單位,仲要抽籤,同六合彩有咩分別

3. 「不是鼓吹買樓先有幸福」,我同意.但而家幸福0既係內地富豪同一班炒家.再者,社會係由一個個家庭組成,沒有一個安樂居所,社會就唔會穩定.買樓係 capital accumalation, 租樓住就等於將幸福送比業主,人0既天性,始終都係會想有物業,除非唔打算留個物業比下一代,又或者根本無想過要有下一代.因為如沒有子女,人死左,物業比邊個?可以係親人,但很多人連親人都無.而家問題係有無能力.你估住公屋的市民就唔想置業?

4. 「我女朋友跟我說，若我買不到樓便不會嫁我」，又說女友不肯住公屋 - 我呸!簡直係 bull shit.醒下啦呢位同學,大學生咁0既說話都講得出? 你有本事的話用自己0既方法搵多 d 錢買私樓囉,點解政府要用納稅人的錢幫你買樓? 個個都話女朋友唔肯住公屋的話,咁政府咪好唔得閒?你女朋友公主病發,唔肯同你捱世界,又關我地納稅人事?你講得出呢番咁無志氣的說話,女朋友唔嫁比你我係可以理解.一係你買層幾十萬唐樓囉

5. 一早已經說香港的 transportation system 係歧視窮人,無錯上車盤係新界大把, 但交通費實在驚人. 住得遠的市民,一般收入較低,何解車費越遠越貴?何解不參考英國的系統,一個區內的價錢都是一樣?香港咁細,分 2 至 3 個 zone 都已經得啦