淒涼

而家睇緊勁歌金曲, 悶到發癲. 唔知點解硬係覺得一來歌唔好聽, 二來人又唱得唔好. 可能係我的偏見.

終於決定去 Macau 睇女排, 不過旺角間 OK 便利店已經賣晒飛, 都唔知邊間 OK 先有得賣. 希望蕭小姐個澳門朋友買到吧!

如果唔係就要係香港睇了.

估唔到原來平時唔打排球的朋友都想去睇, 確係有點意外!

放低0左咁耐, 真係想再打番. 想起以前我地隊校隊雖然水準低, 年年學畀比賽都不停輸, 但係我地都無教練, 咁到底怪得邊個? 怪就怪學校唔重視排球.

我地成班人連後備在內十隻手指數得完, 都係靠一腔熱誠自學. 人地校隊好難入, 我地就求人入. 試過比賽得七個人到場, 即是只有一個後備. 其實都幾淒涼.

我們是輸不停, 卻打得開心.