笑到最後

今日係 shopping 日.

十一點半食完 brunch, 叫五叔車左我地去 TST 行下, 因為知道出面開始減價.

去到 Paul Smith, 陳太想買的女裝鞋竟然沒有了, 於是我地就過左去金鐘的 Seibu.

點知都係得兩, 三個款, 無辦法之下番左去朗豪坊 Seibu.

點知都係無女裝, 不過我就抵受唔住30% off 的誘惑買了一對. 仲要可以扣埋 credit card 的 70000 分, 一共扣了成 $300. 如是者, 只係用了半價左右就買了對 Paul Smith.

之後回家小睡及燙衫.

晚上到 TST 美麗華慶祝大 B 生日, 25 歲大個仔了.

食完到 MUJI 行了一陣, 一入門口就睇中了件 7 分 袖恤衫. 即刻買! 又破財! 因為男仔 7 分袖衫是不常見的! 比錢時發現原來無帶銀包........

每次放兩日假都會嘗試反思一下人生, 希望自己可以清醒一點. 尤其是係二十幾歲呢個重要0既關口, 反思係極之重要的.

今次想起0既係 Steve Jobs 所說的 "Stay Hungry. Stay Foolish."

今年歐國盃不停爆冷, 唔通進攻主義足球又要再次輸比防守主義足球? 真係希望死剩種西班牙可以笑到最後, 今晚一定要生生性性擊潰意大利!

P.S. Mr. 風神, come on!