Softbank 920SH

昨日食過早餐, 便跟五叔, 姑姐, 老豆及陳太一齊去先達. 因為姑姐想換手機. 我又順便去 Smartone 睇吓我那壞了的電池有無得換.

到了先達, 我地見到 Softbank 部 920SH 已經全面解鎖, 顏色又靚爆, Smartone 行貨只有深藍及白, 又貴成千幾, 於是姑姐買了紫紅色.

我自己也睇到心動, 本來想等 iPhone 3G, 但暫時只有 "3" 取得代理, 又可能要等到年底, 於是索性換左先算了. 最後就買了海藍色.

部機個 mon 係 Sharp 的 AQUOS, 又係高清, 所以畫質真係無得頂.

五叔唔抵得, 於是走去 Smartone 買行貨. 如是者, 我地今日一共買了三部同款機. 不過比較之下, 原來日本版無論係外殼或入面的 software 都比香港版更完善. 日本版有個 scan Name Card 的 function, 可以自動 scan Name Card 上的所有資料, 然後 save 於 Phone Book. 我試過準確度奇高, 日文, 中文, 簡體及英文全部 scan 得到. 對於有一大堆 business card 的我來講, 無疑係極之方便. 嘩, 以後一隻字都唔駛打了!

晚飯做節之後同陳太, 大 B, 同 Kary 佢地駕車到正街的源記食甜品, 我最愛的係燉蛋. 本來想食兩碗, 但被阻止了!

老字號即係老字號, 咁夜都排長龍, 於是我地唯有 take away....

番到屋企又睇波.