創造傳奇一刻

感謝香港足球隊帶比我地幾萬名球迷一個難忘的晚上. 香港人, 一定不會忘記這個晚上.

門票早於幾個月前開售, 我也想參與東亞運, 於是, 除了預訂排球決賽, 也一併訂下了足球的決賽門票.

決賽嘛, 也不外乎是日本對南韓吧?黑馬就是中國及朝鮮.

奇蹟出現了, 香港隊過完一關又一關, 昂然挺進決賽!決賽?不是搞錯了吧?我們的足球隊有多水皮就不用多說了.過往的國際賽一路上都是陪跑的, 亦不會有人看.

今次, 真的很不同.

現場所見, 以往香港的幾個老毛病竟然也改善了.

第一, 下半場經常無晒氣, 被人圍攻的問題得到改善. 體力更不見得輸給日本.

第二, 以往香港足球都是有理無理向前面大腳長傳, 前面的隊友自己怒爆, 追到就追, 追唔到都無辦法, 悶死人. 今日的港隊, 變得有系統有組織了. 中前場組織力是明顯地有改善.

第三, 香港球員一向都很細膽, 除了以往的少數如李健和, 很少球員會嘗試一個扭幾個作出個人突破. 今晚所見, 左右兩翼有如 C 朗上身. 過唔過到對手一回事, 起碼佢地有膽去做先.

第四, 10 號仔"歐沖"全場奔跑, 堪稱發電機. 再加上門將葉鴻輝左飛右撲以及"陳七"從英國回歸勤王. 香港隊, 等左咁多年, 終於有番幾個焦點球員.

半場落後日本一球, 本已作出心理準備 - 銀牌都好啦, 已經踢出超水準. 點知下半場一分鐘已經追番一球, 看得觀眾都如痴如醉. 足球最引人入勝的地方, 就是現場的氣氛及激情.

香港隊, 幾時有過主場優勢?今晚係第一次.

我看見日本啦啦隊小組在對面觀眾席, 手執國旗卻完全唔敢出聲, 好好笑囉. 香港球迷終於威番一次!

互射十二碼的時候全場張力爆燈, 個個緊張到企晒起身咁滯. 如果最後輸左,眾多球迷一定好傷心.

勝出之後, 看看球員的瘋狂, 臉上的喜悅.....有些更加喊到收唔到聲. 有些抬頭望看天空, 像是訴說著自己的心路歷程.

運動賽事, 其實最好睇0既就係呢個畫面.

夜深人靜, 整理相片的時候, 我看見的盡是一幕幕扣人心弘的回憶.

沒錯, 這是香港人的重大勝利.能夠置身其中, 可以話係 "有今生無來世".